giovedi 22 SETTEMBRE in un cortile del rione dove abitava Caterina a Bovisio si svolgerà una serata in suo onore, con una piccola recita teatrale di un testo che Lei aveva tradotto e in tre poeti leggeranno alcune sue poesie.

Poesia scritta per l'occasione da BIBI ( Roberto Ballabio), dedicata a Caterina Sangalli Bianchi

Lettera a Caterina


Sciura Caterina, cumè la sta’ ?
La me disa, li in ciel cumè la vaà ?
Quel che em fa stasera , el gh’è piasu’ ?
La ghe rivada a lee, la nostra vus lassu’ ?
Nunc em fa del noster mei
la se meta no i man, in di cavei.


Le, l’è stada la nostra maestra
la me insegnava a tegnì la destra
de quest noster dialet brianzeu
patrimoni di vecc, no di fieu.
adess i paroi a curen in ingles
mi i a capissi no, e ne foo i spes.


Sunt no un puetta, foo ul sbianchin
e a fadiga meti insema quater rim
de paroi, anca maltrainsema
Me disen “ Bravo”, ma mi so che foo pena.
“A MODO MIO” el ciami ul me dialett
Le la gh’è puu e l’è pien de difett.


La se regorda, quand ghe fasevi legg
e ghe purtavi i mè vers a faa curegg.
Ropp de rid e anca un peu balzan
parlavi italiano e gh’eri su no la man.
Ropp anca un peu spurc, che me vergugnavi
cunt fadiga certi volt i a lavavi.


G’ho ammò in del coeur, la sua vus
prima che la radio Mach5, meteven in crus.
“SONO CATERINA” e tutt i uregg sull’attenti
a g’ho a ca i caset e ogni tant , la sua vus a senti.
I paroi di so puesii e la sua vus
emuziunaven tucc, ....i coeur in crus.


Quant i a legevi mì, la vus la me tremava
eppur i soo gratificaziun, le, la me dava.
Grazie Sciura Caterina de quel che la m’ha dà
e devi a Lee, quel poc dialett che mi sò faà.
Buvis Masciagh, e la Mergasciada
in questa sera l’han ricurdada.


Anca se, per dagh ul nom, ghe voeur de ann des,
in del noster coeur, l’em fà gemò d’adess:
“Parco Caterina Sangalli Bianchi“ l’è ul nom
del verd de tucc, tacà a cà sua, lato Com..
Chi la saludi, Sciura Caterina e quand se ritruvarem
setà giò sui nivul, una bela ciciarada in dialett farem.


La saluden tuccc e anca se l’è no assè
ghe fem un bel applauso.......Gent, tutt in pee !

Roberto 22 / 10 / 2005